| | |
|
香港料理
作曲: Alex San / C.Y. Kong 作詞: 因葵
歌詞:
我嗰次跟個朋友,走去日本週圍「蒲」, 佢拍哂心口,話我跟佢實有好前途, 我話「好!好!好!」,然後唔知點算好, 最好而家即刻走去醫好個肚。 咦?呢間好噃!啲裝修WONDERFUL! 班架妹著住ROLLER,同啲客落ORDER, 按摩椅上,睇住佢地渣住煲茶,都未坐定,已經叫咗兩客海老…… 擦咗咁耐,仲咁HUNGRY,咁樣落去,會食到幾時, SAKE咗半打,好過孖蒸,熱嘅飲咗咁耐,又試下加冰…… 牛肉加蔥花,要烏冬嗎?照燒的雞柳又試吓, 然後海鮮湯,伴醬醋茶,還未完又再加…… 前面燒矮瓜,串燒的嗎?魚類新鮮嗎?又記掛! 隨後加州卷,共兩客冷麵,破記錄,老闆都驚訝。 一百個冷〈ROUND〉,我都係咁先! 諗吓一陣想去邊,望吓隻表,食咗成幾個鐘, 飲杯水,不如埋單「鬆」。OH! I DON’T BELIEVE IT ! 張單真係 HIGH ,張單啲銀碼真係BIG SURPRISE! 日式LADY !你真係KAWAI 〈可愛〉 佢就話:「ALIGATO ! 」。〈多謝〉 我想攞張單睇清楚啲,我老友話:「喂,你出住先!」 我焗住碌咭,個心痛到癲,癲到幾乎燒喇叭! 牛肉加蔥花,八千丹嗎?照燒的雞柳萬四嗎? 然後七千丹,是醬醋茶,還懷疑是眼花! 無謂燒矮瓜,要九千嗎?魚類海鮮價,又變化! 然後加一加,但這個發現,破賬目,我心中驚怕! 過咗兩日,飛番赤蠟角,講到食料理,梗係香港仲多啦, 諗番係日本,亂食嘢真係傻,加埋機票錢,早知今日,何必當初! 香港長大,都咁多年,就算再唔風光,都係一時, 好過走去外國亂咁洗錢,不如儲錢過二千年! 遙望獅子山,世紀班霸,繁盛的景緻,又賽馬, 同賀燒煙花,共我阿爸,求未來別再差。 陪伴小娃娃,看真青馬,沿岸啲基建大變化, 如若加薪嗎?就約你嘆茶,盼市道再可添聲價。 遙望獅子山,世紀班霸,繁盛的景緻,又賽馬, 同賀燒煙花,共我阿爸,求未來別再差。 陪伴小娃娃,看真青馬,沿岸啲基建大變化, 如若加薪嗎?就約你嘆茶,盼市道再可添聲價。
| |
| | |